Os viños de Valdeorras xa poden degustarse en Prowein 2023

A edición 2023 de Prowein, unha das feiras vinícolas máis relevantes do continente europeo, xa está en marcha e, como en convocatorias anteriores, os viños de Valdeorras están a ter un papel protagonista no espazo expositor propio que o noso Consello Regulador posúe no recinto feiral. Un total de 15 adegas da comarca enviaron mostras dos seus brancos e tintos para que poidan ser degustados por todos aqueles que visiten Prowein.

 Ata 36 referencias distintas do noso territorio amparado danse a coñecer este ano en Alemaña co obxectivo de conquistar novos nichos e segmentos de mercado. A representación, tanto en número de adegas como en viños, é maior que outros anos, o que evidencia o interese crecente do sector vitivinícola de Valdeorras por participar no calendario de accións promocionais que planifica o Consello Regulador

No espazo expositor do Consello Regulador neste foro participan 15 adegas da comarca

En Prowein 2023, poden degustarse viños de diferentes variedades da nosa comarca, pero principalmente godellos e mencías. Trátase de referencias pertencentes ás seguintes adegas:

• Barón do Sil, S.L.
• Viña Costeira, S.C.G.
• Bodega Joaquín Rebolledo, S.A.
• Adega Alán, S.A.T.
• Adega Quinta da Peza, S.L.
• Arnadoval, S.L.
• Terriña, S.L.
• Hacienda Ucediños, S.L.
• Adegas Terrae, S.L.
• Bodega Godeval, S.L.
• Adega A Coroa, S.A.T.
• Bodega Roandi, S.L.
• Bodega Santa Marta, S.A.T.
• Adega O Casal, S.A.T.
• Bodega Sampayolo, S.L.