O Consello Regulador da D.O. Valdeorras advirte aos viticultores de indicios de “black rot” na comarca

O Consello Regulador da D.O. Valdeorras, a través do seu órgano de control, advirte aos viticultores de que, debido as condicións meteorolóxicas rexistradas nos últimos tempos, se constatan indicios de presenza de black rot na comarca.

“Previr e controlar este fungo é fundamental para que a colleita sexa boa”, sinala o presidente do organismo, José Luis García Pando. Por iso, dende o Consello Regulador se insta a todos os viticultores a estremar as precaucións e aplicar os tratamentos fitosanitarios pertinentes para facer fronte a este fungo, “un dos que máis dano causa na vide, xunto ao mildiu e o oídio”, tal e como enfatiza García Pando.

Ínstalles a estremar as precaucións para facer fronto ao fungo, aplicando os tratamentos fitosanitarios necesarios