A “Guía de viños, destilados e bodegas de Galicia 2018” distingue un total de 112 referencias de 33 bodegas de Valdeorras

A sede do Consello Regulador da D.O. Valdeorras acolleu esta mañá a presentación da Guía de Viños, Destilados e Bodegas de Galicia 2018, de Luís Paadín, que distingue un total de 112 referencias procedentes de 33 bodegas valdeorresas. Na presentación da última edición da guía, na que participou o presidente da D.O. Valdeorras, o seu autor asegurou que se trata “da edición máis completa ata hoxe, con 850 referencias descritas e premiadas, das máis de 1.500 referenciadas”. No caso de Valdeorras, sinalou Paadin, “os brancos das viñas situadas a maior altitude e os tintos de cepas máis antigas son os que lograron maior puntuación”.

A última edición desta guía, asinada polo prestixioso enólogo e sommelier Luis Paadín, foi presentada esta mañá na sede do Consello Regulador da D.O. Valdeorras

A Guía de Viños, Destilados e Bodegas de Galicia 2018 recolle referencias de 540 bodegas e destilerías da totalidade de denominacións de orixe do territorio galego. Con 384 páxinas a toda cor, como principal novidade–segundo asegurou esta mañá Luís Paadín- destaca a inclusión de “xenuínos mapas de todas as D.O. de Galicia nos que se descobren as condicións específicas de cada terruño”.

Deste xeito, a través de infografías infórmase ao lector de como distribuíron as chovias durante o ano pasado, da altitude de cada punto da D.O., das temperaturas máximas e mínimas e, incluso, da principal composición mineral de cada chan. “Un estudo pormenorizado que procura resaltar a identidade e peculiaridade que cada terruño lle confire ao viño”, destacou Paadín.

Pola súa banda, José Luis García Pando, presidente do Consello Regulador de la D.O. Valdeorras, asegurou que grazas ao trabajo realizado nos últimos años, a Guía conseguiu posicionarse no máis alto da literatura gastronómica ao obter o Premio Especial do Xurado 2017 coma un dos 10 mellores libros de bebidas do mundo, no prestixioso concurso GourmandAwards, de entre máis de 10.000 libros de 211 países diferentes”.

Na súa edición máis completa ata hoxe, a Guía presenta máis de 850 referencias descritas e premiadas e inclúe, como novidade, mapas de todas as D.O galegass nos que se descobren as condicións específicas de cada territorio

Seis edicións consecutivas
Tras seis edicións consecutivas, esta Guía segue consolidando a súa presenza e valor no mercado grazas ao apoio de máis de 200 mecenas (restauradores, sommelieres, distribuídores, particulares, etc) que cada ano adquiren os seus exemplares mediante un sistema de reserva en primicia  e aos máis de 40 catadores (sommelieres, enólogos, xornalistas e técnicos) que axudan a confeccionala a través das catas a cegas.

Cadro de referencias distinguidas da D.O. Valdeorras