19 Feb 2023

Resultados das eleccións ao Consellor Regulador da D.O. Valdeorras celebradas hoxe

As eleccións para renovar o Pleno do Consello Regulador da D.O. Valdeorras desenvolvéronse hoxe na comarca. Entre as 10,00 e as 17,00 horas un total de 222 viticultores e adegueiros censados exerceu o seu dereito a voto nas mesas electorais emprazadas no Barco e na Rúa. (Houbo dous votos nulos e un en branco).

Dentro do censo A para o sector productor e conformado por dos subcensos: o A1, integrado por aqueles viticultores que achegaran ao Consello Regulador un maior volume económico en concepto de cotas por actividad nos últimos tres anos naturais; e o A2 composto polo resto de viticultores, os resultados foron os seguintes:

  • Censo A1

Candidatura Independente “Viticultores Independentes de Valdeorras”- 43 votos

 Sindicato Labrego Galego-18 votos

 Asociación Agraria de Galicia (ASAGA)- 18 votos

 UUAA- 14 votos

  • Censo A2

Candidatura Independente “Viticultores Independentes de Valdeorras” – 70 votos

 UUAA – 21 votos

 Sindicato Labrego Galego- 8 votos

Ao tempo, nas eleccións tamén se elixiron os vogais do subcenso B2  -correspondente aos titulares de adegas de menor dimensión do territorio amparado.

  • Censo B2

Candidatura Independente “Adegas Calidade Valdeorras” – 17 votos

 Asociación Agraria de Galicia (ASAGA) – 10 votos

No subcenso B1, no que figuraban as adegas cun maior volume económico en concepto de cotas destinadas ao Consello Regulador, durante os últimos tres anos naturais non se celebraron eleccións porque se chegou a un acordo previo antes dos comicios (os vogais titulares corresponderán, respectivamente, ás adegas Santa Marta e A Coroa).

 

Tampouco houbo eleccións no censo C, correspondente ás sociedades cooperativas, porque se chegou a un acordo de xeito que un vogal corresponde á Bodega Cooperativa Jesús Nazareno do Barco e outro á Bodega Cooperativa Virxe das Viñas da Rúa.

Os comicios desenvolvéronse este domingo entre as 10.00 e 17.00 horas en dúas mesas electorais emprazadas no Barco e na Rúa

 

[arriba]

Novas Anteriores